Lo printemps

Cada an que torna
Que sòrt deu horn
E que sent bon...
Qu'es de non créder
Qu'ic pusquim véder
Arrevitar
Cada annada
D'un còp d'espada
Atau atau
Aquí tornats
Lo cèu usclat
E los arrams
De tot costat
D'on es salhit
Aqueth aquí ?
Qu'a gost de niu
Mes qu'es tot caut
B'es agradiu
Aqueth malaut !

La Fnac

Bèth temps a
Qu'èra un prat
Nomentat "Lo Barrat"
Uei lo jorn qu'es ua FNAC
Hen un subermarcat
Tiratz-los de'queth cròt
Balhatz los esquilhòts !

Conhits de cons qu'èm

Conhits de cons qu'èm
De l'un a l'aute estrem
Ni miélher ni sordeish
Conhits de cons be'n èm
Quan l'imne que broneish

Honha Pelonha

Kevin de Tira l'Aiga

Que hèi cent còps que passas

La toa maquina shiula

Hen lo cèu de ma vila.

Que l'as arrepintrada

Tà har mei capvirat

Qu'arribas, eslombricat

A bèth hum de calhau

Las ahrièstas que'n pètan

De tant que hèis deu pèc

E n'entèni pas teca

Au piu-piu deus auchèts

Peliu, las toas jornadas

Que'm semblan ahuecadas

Que t'ic as tot guastat

Tà har-la rebaishar

Contunha atau praubòt

Dab ton pialòt de tòla

Honha honha Pelonha

N'agis pas cap de met

Fonça en la paret

Ne'n parlaram pas mei

Atau après lo prigle

Qu'audirèi las peringlas